काठमाडौं । गायक प्रकाश सापकोटाले नयाँ गीत ‘यो मुटुमा छौं’ सार्वजनिक गरेका छन् । सापकोटा सँगै शान्ति श्री परियारको स्वरमा रहेको उक्त गीत सापकोटाको आधिकारिक युट्युब च्यानल बाट सार्वजनिक गरिएको हो ।
नेत्र अर्यालको शब्द तथा नन्दु परियारको लय रहेको उक्त गीतमा जुना बिश्वकर्मा र अनिल पौडेलको अभिनय रहेको छ । उक्त गीतले दुई प्रेमीविचको प्रेम कहानी बोलेको छ ।
यसअघि सापकोटाले पीपल छहारी लगायतका विभिन्न गीतहरु बजारमा सार्वजनिक गरेका छन् । लोक दोहोरी गीत मात्र नभएर भजनकृतक गीतहरु समेत गाएका सापकोटा यतिबेला अष्ट्रेलियाको मेलवर्नमा आफ्नो परिवारसहित बस्दै आएका छन् ।
